مرتبات المبرمجين فى مصر
#نقاش_مبرمجين
=================السلام عليكم ياشباب
نقاش بسيط بخصوص الجدل اللى داير فى قصه مرتبات المبرمجين
====================
ملحوظة1البوست ده عبارة عن راى شخصى + خبرات شخصيه يعنى قد يصيب وقد يخطأملحوظة 2 معظم الكلام والارقام اللى ف البوست تخص البرمجه وتحديدا مجال الويب =================
نبدأ على بركة الله خلينا نشوف الموضوع فى صورة سؤال وجواب
-------------------------------------
اولا: هل البرمجة حاجه سهلة ولا صعبة؟؟
بص يا صديقى ببساطه شديده البرمجة مجال زى اى مجال فى الدنيا زى الطب والهندسه والمحاسبة متقدرش تقول عليه سهل ولا صعب هو زى اى مجال يحتاج من اللى هيتعلمه الصبر والمثابرة والاجتهاد
--------------------
ثانيا :هل اى حد ينفع يتعلم برمجه ؟
ببساطه شديده لاااااااااافى مواصفات لازم تكون متوفرة فى اللى هيتعلم برمجه منها طبعا الصبر والنفس الطويل والذكاء وغيرها وده كلام ميزعلش حد ربنا خلقنا مختلفين فى الشكل واللون والجسم والقدرات العقليه والجسمانيه فى واحد يصلح يكون دكتور او مهندس او محاسب وهينجح جدا ولكنه لا يصلح يكون مبرمج والعكس صحيح تماماالمبرمج مثلا صعب يكون خدمة عملاء ناجح (عن نفسى اتحدث)انا اعرف مبرمجين كتير (وانا واحد منهم) ملوش طاقة يكتب على برنامج الورد(word) وميعرفش يشتغل على الاكسيل (Excel) فى حين ان الحاجات دى بديهيات لمعظم الناس وهتلاقيها تافه جدا لناس كتير لو حضرتك مثلا شغال محاسب هتلاقى الاكسيل بالنسبالك لعبة
---------------------------------
ثالثا:هل لو هشتغل برمجه محتاج اكون خريج كليه معينه مثلا او معهد؟
ببساطه شديده لاااااااااافى ناس كتير شغاله فى مجال البرمجه وهى خريجة لكليات ومعاهد دراستها بعيدة تماما عن البرمجه والناس دى شاطره جدا وبنتعلم منها وده مش معناه ان الشهاده من جامعه او معهد متخصص فى البرمجه ملهاش لازمة بالعكس الشهادة بتنفع جدا لعدة اسباب منها مثلا1-فى مؤسسات سواء حكومية او عامة او خاصه بتشترط انك تكون دارس برمجه 2-فى اساسيات هتاخدها فى الجامعه او ف المعهد هتفيدك فى شغلك وهتحتاجها وانت شغال وانا كواحد خريج (computer science) علوم حاسب استفدت جدا من اللى درسته ف الكلية سواء data structuresاو algorithmsاو problem solvingولو مكنتش درستها ف الكلية كنت هحتاجها وكنت هضطر انى اتعلمها لانها هتفيدنى فى شغلى جدا
======================
نيجى للنقطة اللى حضرتك مستنيها واللى كتبت البوست ده عشانها مرتبات المبرمجين السؤال الاولهل الارقام اللى بنشوفها بتاعة ال 100 الف دولار فى الشهر دى ارقام حقيقية ولا مبالغة ومش موجوده ؟قبل ما اجاوب على السؤال ده خلينى استعرض لحضرتك مثال بسيطفى كرة القدم مثلا بنسمع عن لاعيبة بتاخد مليارات السؤال هنا هل كل اللعيبة بتاخد المليارات دى ولا دول اقلية مقارنة بكل لاعيبة العالم فى كل الدول يعنى لو افترضت ان فى مليون لاعب كره فى العالم فى كام واحد بياخد الارقام الفلكية اللى بنسمع عنها من المليون دول؟؟اكيد حضرتك وصلك ببساطه انا اقصد ايه ولو موصلتش كمل معايا ناخد مثال مثلا الدورى المصرى فى كام لاعب بياخد ملايين ؟طيب نسبتهم كام من مجمل لاعيبة الكورة فى مصر؟طيب فى كام واحد بياخد ارقام ينفع نقارنها بارقام لاعيبة كورة فى دوريات تانيه ؟؟بص يا صديقى لاعيبة الكورة اللى بتاخد ملايين فى مصر دول هتلاقيهم فى الاندية الكبرى (اهلى - زمالك - بيراميدز)وزى ما فى لاعيبة بتاخد ملايين فى لاعيبة بتاخد ملاليم وبتشتغل كذا شغلانه غير لعب الكورة عشان بس تعرف تعيش من هنا خلينى اجاوبك هل الارقام اللى بنشوفها بتاعة ال 100 الف دولار فى الشهر دى ارقام حقيقية ولا مبالغة ومش موجوده ؟الاجابة ايوه طبعا فى مبرمجين بياخدوا ارقام اكتر من كده بكتير لكن لكن لكندول الاقلية دول المبرمجين اللى شغالين فى شركات عالمية زى (فيس بوك - امازون - ميكروسفت - جوجل -............)
-----------------------------
طيب نروح لسؤال تانى الارقام اللى قد تبدو واقعيه زى من 5 او 10 او 20 الف دولار هل الارقام دى واقعية وموجوده ولا برضه خيال؟؟بص ياصديقى الارقام دى موجوده وفى كتير بياخدوا الارقام دى لكن لازم اكون واضح مع حضرتكالارقام دى ياخدها مبرمجين شغالين فى امريكا - المانيا -انجلترا مثلالكن مش فى مصر وده لسبب بسيط امريكا عملتها الدولار ومصر عملتها الجنيه فاللى بياخد 10 الاف دولار مثلا فى امريكابيتعامل معاهم زى اللى بياخد 10 الاف جنيه فى مصريعنى ببساطه احنا فى مصر ملناش دعوه بالكلام احنا لينا عملتنا احنا اللى هى الجنيه
------------------------------
نيجى طيب لاهم نقطه بالنسبالنا كمصريين احنا مرتباتنا كمبرمجين عامله ازاى ؟بص يا صديقى موضوع مرتبك كمبرمج فى وجهة نظرى يتوقف على كذا حاجة اذكر منها1- مستوى الشركة اللى حضرتك شغال فيها2-خبرة حضرتك ايه 3-مرتبك بالمصرى ولا بعملة تانيه 4-مرتبك بالشهر ولا شغال فرى لانس او بالساعةوخلينا نفصل الموضوع شوية حضرتك احنا عندنا اشركات مستويات فى شركة كبيرة وشركة متوسطه وشركة صغيرةكذلك الخبرة فى الفريش والجينور والسنيور(ملحوظة الكلام هنا على الناس اللى شغاله من مصر سواء onsite او remotely)فمثلا اولا لو حضرتك 1-فريش (0 خبرة) لسه متخرج ومشتغلتش قبل كده يدوب تعرف الاساسياتلو بتتحاسب بالشهرمتوسط مرتبك لو بتتحاسب بالمصرى (من 8 الى 10 الاف جنيه مصرى)متوسط مرتبك لو بتتحاسب بالدولار(من 250 الى 300 دولار ) يعنى ما بين (12500 الى 15 الف جنيه مصرى) (على فرض ان متوسط سعر الدولار 50 جنيه مصرى وقت كتابة البوست)لو بتتحاسب بالساعةلو بتتحاسب بالمصرى (متوسط 100 جنيه)لو بتتحاسب بالدولار(متوسط 3 دولار ) يعنى حوالى 150 جنيه مصرى
-------------------------
2-جونيور (من سنة الى سنتين خبرة) وعملت كام مشروع كده وايدك فى الشغللو بتتحاسب بالشهرمتوسط مرتبك لو بتتحاسب بالمصرى (من 15 الى 20 الف جنيه مصرى)متوسط مرتبك لو بتتحاسب بالدولار(من 500 الى 600 دولار ) يعنى ما بين (25 الى 30 الف جنيه مصرى)لو بتتحاسب بالساعةلو بتتحاسب بالمصرى (متوسط 200 جنيه)لو بتتحاسب بالدولار(متوسط 5 دولار ) يعنى حوالى 250 جنيه مصرى
-------------------------
3-ميد سينيور (من 3 الى 4 سنين خبرة) ما بين الجونيور والسينيورلو بتتحاسب بالشهرمتوسط مرتبك لو بتتحاسب بالمصرى (من 25الى 30 الف جنيه مصرى)متوسط مرتبك لو بتتحاسب بالدولار(من 800 الى 1000 دولار ) يعنى ما بين (40 الى 50 الف جنيه مصرى)لو بتتحاسب بالساعةلو بتتحاسب بالمصرى (متوسط 400 جنيه)لو بتتحاسب بالدولار(متوسط 10 دولار ) يعنى حوالى 500 جنيه مصرى
-------------------------
4-سينيور (من 4 الى 8 سنين خبرة) لو بتتحاسب بالشهرمتوسط مرتبك لو بتتحاسب بالمصرى (من 40الى 50 الف جنيه مصرى)متوسط مرتبك لو بتتحاسب بالدولار(من 1500 الى 2000 دولار ) يعنى ما بين (75 الى 100الف جنيه مصرى)لو بتتحاسب بالساعةلو بتتحاسب بالمصرى (متوسط 800 جنيه)لو بتتحاسب بالدولار(متوسط 25دولار ) يعنى حوالى 1250 جنيه مصرى
----------------------------
5-فى بعد كده مستوى التيم ليدر وبصراحه معرفش حد تيم ليدر كنت سالته على متوسط المرتبات
-------------------------------------
فالواضح يا صديقى ان اعلى حد انا اعرفه بياخد متوسط 2000 دولار وده لو حضرتك سينيور وخبرتك كبيرة فى المجال واكيد كمان شغال فى شركة متوسطه
---------------------
طيب هل المرتبات دى قليلة؟؟
ببساطه ايوووووه طبعاالمرتبات فى مصر عموما فى كل المجالات ضعيفة جدا ده غير كمان الشركات اللى بتشغل الناس ريموتلى وبتدفع بالدولار بتستغل فرق العملة الرهيب بين الجنيه والدولار وبدل ما يشغل حد من بلده ويديله 7 ولا 8 الاف دولار بيشغل 4 او خمسه مبرمجين وبيديهم على بعض 4 ولا 5 الاف دولار وبياخدوا نتيجه افضل طبعا
==============
فى النهاية البوست ده عبارة عن راى شخصى ومن واقع خبرتى البسيطه
=========
البوست على لنكد ان
https://shorturl.at/FGW59
البوست على فيس بوك
https://lnkd.in/dEiZvWZk
